काठमाडौं : नेपाली सेनाले कर्फ्यूको अवधि बढाएको छ।
बुधबार बिहान विज्ञप्ति सार्वजनिक गर्दै सेनाले बिहीबार बिहान ६ बजेसम्मका लागि कर्फ्यू आदेश जारी गरेको हो।
त्यसपछिको परिस्थितिलाई विश्लेषण गरेर थप सूचना सम्प्रेषण हुने सेनाले जनाएको छ।
निषेधाज्ञा तथा कर्फ्यूको दौरान अत्यावश्यक सेवाका सवारी साधनहरु (एम्बुलेन्स, शव वाहन, दमकल, स्वास्थ्यकर्मी र सुरक्षाकर्मीका सवारी साधनहरु) सञ्चालन हुन सक्ने विज्ञप्तिमा उल्लेख छ।
आवश्यक सहजताको लागि नजिकमा रहेका सुरक्षाकर्मीहरुसँग समन्वय गर्न पनि सेनाले आग्रह गरेको छ।
