डडेल्धुरा : १४ औं सुदूरपश्चिम प्रदेश स्तरीय राष्ट्रपति रनिङ शिल्डको उपाधि कैलालीले हात पारेको छ।
धनगढीमा सम्पन्न भएको रनिङ शिल्डमा कैलालीले ३१ स्वर्णसहित उपाधि उचालेको हो।
कैलालीले ३१ स्वर्ण, १८ रजत र १५ कास्य पदसहित उपाधि उचाल्दा १९ स्वर्ण, १८ रजत र १५ कास्यसहित कञ्चनपुर दोस्रो भयो।
७ स्वर्ण, १० रजत र १६ कास्य जितेको डडेल्धुराले तेस्रो स्थानमा चित्त बुझायो।
बैतडी ५ स्वर्ण, २ रजत र १० कास्य ल्याएर चौथो हुँदा २ स्वर्ण, ४ रजत र १३ कास्यसहित बझाङ पाँचौ भयो।
छैंटौ भएको बाजुराले १ स्वर्ण ६ रजत र १३ कास्य, साताैं भएको अछामले १ स्वर्ण १ रजत र ६ कास्य पदक हात पार्यो।
यस्तै, आठौं भएको दार्चुलाले ४ रजत र ३ कास्य तथा नवाैं भएको डोटीले ३ रजत र ८ कास्य हात पार्यो।
तुलनात्मक रूपमा कमजोर देखिएका दार्चुला र डोटीले स्वर्ण पदक जित्न सकेनन्।
हेर्नुहोस् पदक तालिका :
