काठमाडौं : प्रधानमन्त्री पुष्पकमल दाहाल ‘प्रचण्ड’ पछिल्लो राजनीतिक घटना क्रमका विषयमा जानकारी गराउन राष्ट्रपति भवन शीतल निवास जाँदै छन्।
उनले राष्ट्रपति रामचन्द्र पौडेलसँग भेट्नका लागि समय लिएको जानकारी राष्ट्रपति कार्यालयबाट प्राप्त भएको छ।
सत्ता गठबन्धनसँगको बैठकपछि प्रमुख प्रतिपक्षी दल नेकपा (एमाले) का अध्यक्ष केपी शर्मा ओलीसँग प्रधानमन्त्री निवास बालु्वाटारमा बैठक बसे लगत्तै प्रधानमन्त्री प्रचण्ड राष्ट्रपतिलाई भेट्न जान लागेका हुन्।
यसअघि प्रधानमन्त्रीले नेपाल सरकारका कामहरूबारेमा जानकारी दिन राष्ट्रपतिलाई भेट्ने गर्थे भने यस भेटलाई भने राजनीतिक उतार चढावसँग जोडेर हेरिएको छ।
