डडेल्धुरा : अजयमेरु गाउँपालिकाले अध्यक्ष कप खुला पुरुष भलिबल प्रतियोगिता आयोजना गर्ने भएको छ।
यही जेठ ११ र १२ गते पालिकाले पालिकास्तरीय भलिबल प्रतियोगिता गर्न लागेको हो।
पालिकाले प्रतियोगिताका लागि टिम दर्ता जेठ ९ गते भित्र गरिसक्नुपर्ने एक सूचना मार्फत जानकारी दिएको हो।
प्रतियोगितामा प्रथम पुरस्कार ७० हजारसहित ट्रफी,मेडल र प्रमाणपत्र द्वितीय पुरस्कार ५० हजार नगदसहित ट्रफी, मेडल र प्रमाणपत्र र तेस्रो स्थानको लागि ३० हजार ट्रफी,मेडल र प्रमाणपत्र प्रदान गरिने छ।
खेलका लागि टिम दर्ता शुल्क ५ हजार तोकिएको छ भने यातायात, खाना र बासको व्यवस्था खेलाडीहरु आफैंले गर्नुपर्ने पालिका अध्यक्ष उमेशप्रसाद भट्टले जानकारी दिए।
उनका अनुसार प्रतियोगितामा डडेल्धुराका ७ पालिकाबाट खेलाडीहरुले सहभागीता जनाउन पाउने छन्।
खेलाडी सम्बन्धित स्थानीय तहको स्थायी बासिन्दा हुनुपर्ने छ भने टिम दर्ता गर्दा सम्बन्धित स्थानीय तहको सिफारिससहित खेलाडीको नागरिकताको प्रतिलिपि अनिवार्य पेश गर्नुपर्ने छ।