डडेल्धुरा । विद्यार्थीहरुको शारीरिक अवस्थाबारे जानकारी लिन डडेल्धुरा जिल्ला सदरमुकाममा रहेको आइन्स्टाइन पब्लिक स्कुलले विद्यालयमा अध्ययनरत विद्यार्थीको स्वास्थ्य परिक्षण गरेको छ ।
जिल्लाको अमरगढी नगरपालिका – ५ विद्युतरोडमा अवस्थीत सो विद्यालयका १ सय ६२ जना विद्यार्थीहरुको स्वास्थ्य परिक्षण गरिएको छ । बिहिबार विद्यार्थीहरुको सामान्य स्वास्थय परिक्षण गरिएको आइन्स्टाइन पब्लिक स्कुलका प्रिन्सीपल राम प्रसाद अवस्थीले बताउनुभयो । उहाँका अनुसार शुक्रबार गेटा आँखा अस्पताल चिम्रीकोट डडेल्धुराको सहयोगमा विद्यार्थीहरुको आँखा जाँच तथा उपचार गरिने जनाइएको छ ।
विद्यार्थीहरुको स्वास्थ्य अवस्था बारे जानकारी लिनका लागी स्वास्थय परिक्षण कार्यक्रम संचालन गरेको विद्यालय संचालक समितिका अध्यक्ष दिपक गुरुङले बताउनुभयो ।