डडेल्धुरा : नेपाल राष्ट्रिय शिक्षक संगठन डडेल्धुराको १४औं जिल्ला अधिवेशन सम्पन्न भई नयाँ कार्यसमिति चयन भएको छ।
डडेल्धुरा सदरमुकाममा भएको अधिवेशनबाट अध्यक्षमा कृष्णबहादुर बोहरा चयन भएका छन्।
यस्तै, उपाध्यक्षमा प्रकाश भण्डारी र कमला पन्त, सचिवमा सुभाषप्रसाद भट्ट, सह-सचिवमा नरबहादुर बुढाऐर, कोषाध्यक्षमा धनेश भण्डारी चयन भएका छन्।
त्यसैगरी, सदस्यहरूमा देवराज पनेरू, खडक साउद, ईन्द्र टमटा, नरबहादुर बोहरा र भवी गाहा निर्वाचित भएका छन्।
संगठनले शिक्षक हित, शैक्षिक सुधार तथा संगठन सुदृढीकरणमा प्रभावकारी भूमिका खेल्ने अपेक्षा गरिएको छ।
