काठमाडौं : सिरहाका प्रहरी प्रमुख तथा प्रहरी उपरीक्षक (एसपी) रमेश पण्डित हेडक्वार्टर तानिएका छन्।
उनीविरुद्ध उजुरी छानबिन शाखामा उजुरी परेपछि उनलाई हेडक्वार्टर तानिएको हो।
यद्यपि किन तानिए भन्नेबारे स्पष्ट खुल्न सकेको छैन् । उनको स्थानमा पोखरा गणमा कार्यरत एसपी अनन्तराम शर्मालाई पठाइएको छ।
यसअघि सिरहाका प्रमुख जिल्ला अधिकारी वासुदेव दाहाललाई पनि गृह मन्त्रालय तानिएको थियो।
महायज्ञ गर्नका लागि औरही गाउँपालिका ५ मा दीपक मलिकको घरमा डोजर लगाएर भत्काइएको घटना सार्वजनिक भएपछि विवाद भएको थियो।
सोही विषयमा उनीहरूमाथि छानबिन भइरहेको बताइएको छ। सो घटनामा गाउँपालिकाका अध्यक्ष शिवजी यादव र पूर्ववडाध्यक्ष दिलीप यादव पक्राउ परिसकेका छन्।
