बैतडी: स्वतन्त्र विद्यार्थी युनियनको निर्वाचन अन्तर्गत बैतडीको गोकुलेश्वरस्थित सेटीगाउँ बहुमुखी क्याम्पसमा नेविसंघका कृष्णसिंह रावल निर्वाचित भएका छन्।
यहाँ नेविसंघ र क्रान्तिकारी चुनावी तालमेल गरेर निर्वाचन लडेका थिए भने अनेरास्ववियु एक्लै चुनाव लडेको थियो।
सभापतिमा निर्वाचित रावलले १ सय ३ मत प्राप्त गरेका छन् भने उनका प्रतिस्पर्धी अनेरास्ववियुका रमेश मालले ८९ मत प्राप्त गरे।
सेटीगाउँ बहुमुखी क्याम्पसमा २ सय ६६ जना विद्यार्थी मतदाता रहेकोमा १ सय ९५ मत खसेको र एक मत बदर भएको निर्वाचन अधिकृत राजेन्द्रप्रसाद जोशीले बताए।
