डडेल्धुरा : साइकल दुर्घटनामा परि घाइते भएकी डडेल्धुराको अमरगढी नगरपालिका-५ खलंगाकि १७ वर्षीया किशोरी बन्दना लिम्बूलाई महेन्द्र माध्यमिक विद्यालय खलंगा डडेल्धुराले ५४ हजार बढी रूपैयाँ आर्थिक सहयोग गरेको छ।
आज (बिहीबार) विद्यालयले शिक्षक, कर्मचारी तथा विद्यार्थीबाट संकलन गरेको ५४ हजार ६ सय ५ रुपैयाँ बन्दनाकी आमा धनमाया लिम्बूको खातामा जम्मा गरिदिएको हो।
बन्दना महेन्द्र माध्यमिक विद्यालय खलंगामा कक्षा १० मा अध्ययनरत छिन्।
साउन ३१ गते अमरगढी नगरपालिका– ५ तुफानडाँडामा उनी साइकल दुर्घटनामा परेकी थिइन।
टाउकोमा गम्भीर चोट लागेका उनकाे धनगढीमा रहेको निसर्ग अस्पतालमा उपचार भइरहेको छ।
दैनिक ज्यालादारी गरेर घर चलाइरहेका लिम्बू परिवारमा छोरी दुर्घटनामा परेर घाइते भएपछि आर्थिक समस्या देखा परेको छ।
उनको उपचारका लागि सबैलाई सहयोग गरिदिन परिवारका सदस्यले आग्रह गरेका छन्।
उनलाई सहयोग गर्न चाहनेले निम्न बैंक खातामार्फत् रकम पठाउन सक्नेछन्।
KumariBank Ltd.
Ac no. 0280317582300001
Dhanmaya Limbu
Mobile no. 9848728582
QR Code-
