डडेल्धुरा : नेपाली कांग्रेस संसदीय दलका नेता कमलबहादुर शाहले सुदुरपश्चिमको मुख्यमन्त्रीमा दावी पेश गरेका छन्।
नेकपा एमालेको समर्थनमा बहुमत सांसदको हस्ताक्षरसहित उनले आज दिउँसो दावी प्रस्तुत गरेेका हुन्।
दिउँसो १ बजे प्रदेश प्रमुखको कार्यालय पुगेर २९ सांसदको हस्ताक्षरसहित दावी पेश गरेको कांग्रेस सांसद पदमबहादुर शाहीले जानकारी दिए।
गत शुक्रबार मुख्यमन्त्री दीर्घ साेडारीले राजीनामा दिएपछि प्रदेश प्रमुख नजिर मियाँले आज साँझ ५ बजेसम्म दाबी पेस गर्न समय दिएका थिए।
५३ सदस्यीय प्रदेश सभामा बहुमतको लागि २७ सांंसद आवश्यक पर्छ। यहाँ कांग्रेस १८ र एमालेका ११ सांसद मिल्दा स्पष्ट बहुमत पुग्ने भएकाले साना दललाई सरकारमा सहभागी गराउनुपर्ने बाध्यता छैन।
यद्यपि, नागरिक उन्मुक्ति पार्टीलाई पनि सरकारमा लैजाने तयारी भइरहेको बुझिएको छ।
