डडेल्धुरा : सशस्त्र प्रहरी नेपाल गुल्म नं ५२ डडेल्धुराका सशस्त्र प्रहरी नायव उपरीक्षक बिरेन्द्र पाल उत्कृष्ट कमाण्डर बनेका छन् ।
सशस्त्र प्रहरी नेपाल नं ७ अत्तरीयाको २३ औं स्थापना दिवशका अवसरमा आयोजित कार्यक्रमबाट सशस्त्र प्रहरी नेपाल नं ५२ गुल्म डडेल्धुराले उत्कृष्ट युनिट र सप्रनाउ पालले उत्कृष्ट कमाण्डरको पुरस्कार पाएका छन् ।
कार्यक्रममा सशस्त्र प्रहरी अतिरिक्त महानिरिक्षक चन्द्र प्रकास गौतमले डिएसपी पाललाई नगद सहित प्रशंसा पत्र प्रदान गरेका थिए । सुदुरपश्चिम प्रदेश भरीका ६ युनिट र ६ युनिट प्रमुख मध्ये पाल उत्कृष्ट पुरस्कार पाउन सफल भएका हुन ।
सशस्त्र प्रहरी वृतामा आफ्नो छुट्टै पहिचान बनाएका पालले यसअघि सशस्त्र प्रहरी बल नेपाल गुल्म नं ७ अत्तरियामा कार्यरत हुदा प्रशासनिक कार्यतर्फ उत्कृष्ट प्रशासकीय विद्यामा समेत पुरस्कार पाएका थिए ।