डडेल्धुराः अमरगढी नगरपालिकाका पूर्वमेयर विशेश्वरप्रसाद ओझाले राजनीतिक आडमा काठमाडौंमा पत्नीलाई जागिर लगाएको खुलेको छ।
काँग्रेस/एमालेको गठबन्धन सरकार हुँदा ओझाले राजनीतिक पावरमा पत्नी इन्द्रा ओझालाई जागिर लगाएको खुलेको हो।
एक एमाले नेताका अनुसार ओझाले पत्नी इन्द्रालाई काठमाडौंको साल्ट ट्रेडिङ कर्पोरेशन लिमिटेडमा जागिर लगाएका छन्।
‘सामाजिक सञ्जालमा जथाभावी लेख्ने अनि आफैंले लोकसेवा पास नगरिकन कसरी श्रीमती काठमाडौंमा जागिर लगाए?,’ ती नेताले भने।
डडेल्धुरा अस्पताल भर्ती केन्द्रको संज्ञा दिने ओझाले काठमाडौंमा पत्नीलाई जागिर लगाएको पाइएपछि उनको नियतमाथि प्रश्न उठेको छ।
पार्टीभन्दा पनि व्यक्तिवादी र परिवारवादमा रमाउने ओझाले आफै मेयर हुँदा परिवारका मान्छे र आसेपासेलाई जागिर लगाएका थिए।
ओझा मेयर बनेदेखि नै विवादित बन्दै आएका छन्।
