धनगढी : डिभिजन वन कार्यालय धनगढीका सहायक वन अधिकृत पूर्ण शंकर यादव घुससहित पक्राउ परेका छन्।
अख्तियार दुरुपयोग अनुसन्धान आयोग महेन्द्रनगर कार्यालयबाट खटिएको टोलीले यादवलाई घुस लिँदै गरेको अवस्थामा सोमबार कार्यालयमै नियन्त्रणमा लिएको हो।
उनको साथबाट ७ लाख ३१ हजार रुपैयाँ नगद घुस रकम बरामद गरिएको अख्तियारले जनाएको छ।
अख्तियारको टोलीले आवश्यक अनुसन्धान प्रक्रिया अघि बढाइरहेको छ।
