डडेल्धुरा : डडेल्धुरा जेसीज वर्ष २०२४ ले शनिबार उग्रतारा मेला ( देहीजाँत) मा सहभागी दशनार्थी तथा भक्तजनहरूलाई निःशुल्क खानेपानी वितरण गरेको छ।
डडेल्धुरा जेसीज वर्ष २०२४ ले मंसिर १ गते देखि ७ गते सम्म आयोजना गरिरएको जेसीज सप्ताह कार्यक्रमको पहिलो दिन उग्रतारा मन्दिरमा लाग्ने देहीजाँत मेलाका भक्तजनहरूलाई नि:शूल्क खानेपानी वितरण गरेको हो।
मेला भर्न आएका दर्शनार्थीलाई सय पेटी पानी वितरण गरेको जेसीज वर्ष २०२४ का अध्यक्ष लक्ष्मी ऐरले बताइन्।
डडेल्धुरा जेसीजका संस्थापक अध्यक्ष शेरबहादुर गुरुङले नवदुर्गा गाँउपालिका-१ का ८२ वर्षीय नबलसिंह ऐरलाई पानीको बोतल प्रदान गरि उद्घाटन गरिएको थियो।
साथै, जेसीजले पूर्व प्रधानमन्त्री तथा काँग्रेस सभापति शेरबहादुर देउवा र परराष्ट्रमन्त्री आरजु राणा देउवालाई मायाको चिनो प्रदान गरेका थिए।
जेसीज सप्ताह अन्तरगत डडेल्धुरा जेसीजले साताव्यापी कार्यक्रम गरिरहेकाे छ।