डडेल्धुरा : डडेल्धुरा कारागारमा स्वास्थ्य शिविर सञ्चालन गरिएको छ।
स्वास्थ्य निर्देशनालय डोटीको आयोजना तथा अमरगढी नगरपालिका, डडेल्धुरा अस्पताल र स्वास्थ्य कार्यालय डडेल्धुराको समन्वयमा डडेल्धुरा जिल्ला कारागारमा स्वास्थ्य शिविर सञ्चालन गरिएको हो।
शनिबार आयोजित उक्त शिविरमा कारागारमा रहेका कैदीबन्दीहरूको स्वास्थ्य जाँच, रोग निदान तथा उपचार व्यवस्थापनसँगै एचआईभी परीक्षण र परामर्श सेवा प्रदान गरिएको डडेल्धुरा कारागारका जेलर सन्तोष भट्टले जानकारी दिए।
उनका अनुसार शिविरमा ११७ जना पुरुष र १२ जना महिला गरी कुल १२९ जना कैदीबन्दीले सेवा लिएका छन्।
शिविरमार्फत औषधि वितरणका साथै आवश्यक परामर्श सेवा समेत प्रदान गरिएको थियो।
