डडेल्धुरा : नेपाल विद्यार्थी संघ जिल्ला कार्यसमिति, डडेल्धुराले २०८१ सालको भित्तेपात्रो विमोचन गरेको छ।
शुक्रबार नेविसंघले काँग्रेसको पार्टी कार्यालय तुफानडाँडामा एक कार्यक्रमकाबीच भित्तेपात्रो विमोचन गरेको हो।
विमोचन कार्यक्रमको प्रमुख अतिथि नेपाली काँग्रेस डडेल्धुराका उपसभापति तथा अमरगढी नगरपालिकाका मेयर डिल्लीराज जोशी रहेका थिए।
मिति, तिथि, चाडपर्व, दिवसलगायत विषय तथा जिल्लामा रहेको काँग्रेस र पार्टीको भातृ संगठनको बारेमा जानकार राख्न क्यालेन्डर प्रकाशन र वितरण गरिएको नेविसंघ डडेल्धुराका अध्यक्ष पवन ऐरले जानकारी दिए।
विमोचन कार्यक्रममा काँग्रेस सम्बद्ध अन्य नेता, कार्यकर्ताको सहभागीता रहेको थियो।
