धनगढी : नेकपा एमाले कञ्चनपुरकी अध्यक्ष लक्ष्मी बुढा सवारी दुर्घटनामा परेकी छन्।
बुढा सवार सुपप्र ०२००४ प २६९९ स्कुटरलाई पूर्वपश्चिम राजमार्ग अन्तरगत शुक्लाफाँटा नगरपालिकाको कलुवापुरमा शनिबार बिएई ०२९८ नम्बरको कारले पछाडिबाट ठक्कर दिएको प्रहरीले जनाएको छ।
इलाका प्रहरी कार्यालय झलारीका प्रमुख प्रहरी निरीक्षक बिरबहादुर बोहराले बुढा धनगढी तर्फ आइरहेको बेला उनी सवार स्कुटरलाई सोही दिशातर्फ आइरहेको कारले ठक्कर दिँदा घाइते भएको बताए।
बुढाको टाउको र दायाँ हातमा चोट लागेको छ। प्रहरी निरीक्षक बोहराका अनुसार अहिले उनको धनगढीको माया मेट्रो अस्पतालमा उपचार भइरहेको बताए।
कार र चालक धनगढी उपमहानगरपालिका–८ क्याम्पस चोक बस्ने ४५ वर्यीय राम बहादुर चौधरीलाई इलाका प्रहरी कार्यालय झलारीले नियन्त्रणमा लिएको छ।
