काठमाडौं : हमासले रिहा हुने थप ३ बन्धकको नाम सार्वजनिक गरेको छ।
शनिबार रिहा हुन लागेका तीनै जना पुरुष हुन्। रिहा हुने सूचीमा एली शराबी, ओहद बेन अमी र ओर लेवी छन्।
हमासले जनवरी १९ मा युद्धविराम शुरु भएदेखि अहिलेसम्म १८ जना बन्धकहरूलाई मुक्त गरेको छ।
यस्तै इजरायलले ३८३ प्यालेष्टिनी कैदीलाई रिहा गरिसकेको छ। इजरायलले तीन बन्दी फिर्ताको सट्टामा आज १८३ जनालाई फिर्ता गर्ने बीबीसीले जनाएको छ।
तीन हप्ताको अवधिमा युद्धविरामको पहिलो चरणको अन्त्यसम्ममा ३३ बन्धक र एक हजार ९०० कैदी रिहा गर्ने तालिका छ।
परराष्ट्र मन्त्रालयले विपिन जोशीको रिहाइका लागि पहल गरिरहेकाे बताएपनि उनी अझै रिहा हुन सकेका छैनन्।
