काठमाडौं : करिब पाँच महिनाअघि स्वास्थ्य परीक्षणका लागि सिंगापुर गएका नेपाली कांग्रेसका पूर्वसभापति तथा पूर्वप्रधानमन्त्री शेरबहादुर देउवा बिहीबार नेपाल फर्किएका छन्।
सिंगापुरबाट थप उपचारका लागि हङकङ पुगेका देउवा हङकङ हुँदै काठमाडौं आइपुगेका हुन्।
देउवा बिहीबार दिउँसो साढे १२ बजे त्रिभुवन अन्तर्राष्ट्रिय विमानस्थलमा अवतरण गरेका हुन्।
विमानस्थलबाट उनी सिधै महाराजगञ्जस्थित डेरामा जाने भएका छन्।
देउवाका स्वकीय सचिव भानु देउवाका अनुसार उनी यसअघि लिइएको महाराजगञ्जस्थित डेरामै बस्नेछन्।
देउवा गत फागुन १३ गते स्वास्थ्य उपचारका लागि सिंगापुर गएका थिए। त्यसपछि थप उपचारका लागि उनी हङकङ पुगेका थिए।
देउवा काठमाडौं फर्किएसँगै नेपाली कांग्रेसभित्रको पछिल्लो राजनीतिक अवस्था र आगामी गतिविधिमा उनको भूमिकालाई लिएर पनि चर्चा सुरु भएको छ।
